அவளைப் பார்க்கிறேன்...

அவளைப் பார்க்கிறேன்,

கண்ணீர் துளிகள் கண்ணோரம் மின்ன- 

கூந்தல் கலைந்து காற்றில் பறக்க 

கனவுகள் தோய்ந்த கண்களோடு என்னை 

தீர்க்கமாய் பார்க்கிறாள் 

கலைந்து போன கனவுகள் பற்றி சொன்னாள் - 

உறவுகளுக்கு மனிதர் கற்பித்த வரைவிலக்கணங்கள் சொன்னாள் -

நிலையற்ற நட்பு கதைகள் நிறைய சொன்னாள்

திசை தெரியாத பயணங்களிலும் -

இடிந்து போன உறவுகளிலும் - 

கலைந்து போன கனவுகளிலும்

தன்னை தொலைத்துவிட்டதாய் சொல்லி - 

அழுதாள்.

ஆறுதலாய் அவள் கைகள் பற்றினேன் 

உன்னிடம் மட்டுமே சொன்னேன் - கூறி 

கண்களை அழுத்தித் துடைத்து 

கண்ணீரின் தடம் கூட தெரியாமல்

என்னை போலவே அழகாய் சிரித்தாள்

அவள்,

என் கண்ணாடி முன் நின்றவள்...

____________________________________________________________________________________________

✎Poem by: 

Salma Farhath